స్వామి శివానంద

శ్రీ స్వామి శివానంద

ఉత్తరాదిలోని హృషికేష్ లో  Divine Life Society ని స్థాపించి ఆధ్యాత్మిక రంగంలో యెనలేని సేవ చేసిన మహనీయులు శ్రీ స్వామి శివానంద గారు. ఆయన వ్రాసిన ఆధ్యాత్మిక గ్రంధాలు నేటికి ఎంతోమంది సాధకులకు ప్రేరణను, మార్గ దర్శకత్వాన్ని యిస్తున్నాయి. 

శ్రీ  స్వామి సత్యానంద

అయన ప్రియ శిష్యులలో ఒకరైన స్వామి సత్యానంద సరస్వతి గారు తన గురువుగారి అదేసానుసారంగా ముంగేరులో బీహార్ యోగ స్కూలు స్థాపించి శ్రీ పతంజలి యోగాసుత్రాలను ఆధ్యాత్మిక పరంగా విశ్వ వ్యాపితం చేసారు. ఈయన రూపొందించిన " యోగనిద్ర " ఆరోగ్య పరంగా, ఆధ్యాత్మిక పరంగా అంతర్జాతీయ ప్రఖ్యాతి పొందుతున్నది. 

స్వామి నిరంజనానంద సరస్వతి గారితో  , నా యోగా గురువులు,
యోగా సహచరులతో  1990 మార్చిలో 

కేవలం పూర్వ జన్మ సుకృతం వలన నేను బీహార్ యోగ స్కూలు నందు యోగా, యోగనిద్ర నేర్చుకోగలిగాను. ఆశ్రమంలోని ఆధ్యాత్మిక ప్రభావం ఎవరికి వారు అనుభవించి, అనుభూతి చెంధవలసిందే కానీ మాటలలో  చెప్పేది కాదు.

జీవితం అంటే కేవలం మన సంసారం, మన సంపాదన, బంధువులు, స్నేహితులు  వంటివి మాత్రమే కాదు, ఆధ్యాత్మికత  కుడా ముఖ్యామే. 
నా త్రికరణ శుద్హి సలహా ఏమంటే మీరు వీలు చేసుకుని రెండు, మూడు రోజులు ఉండేలా మంచి ఆశ్రమాలకు(శ్రద్ధగా నిర్వహించే ఏ ఆశ్రమమైన మంచిదే) అడపా దడపా వెళ్ళిరండి. ఆ అనుభూతి మీ జీవితంలో ఒక దివ్యమైన సంఘటనగా నిలిచి పోతుంది, మీలో నిద్రాణమై వున్నా ఆధ్యాత్మిక సంస్కారాలను తట్టి లేపుతుంది. 

ఈ జీవితం శాశ్వితం కాదు, మన వెంట వచ్చే సత్కర్మలను, సద్గుణాలను,  ఆధ్యాత్మికతను పెంపొందించు కుందాం.
సర్వేజనా సుఖినోభవంతు.


మరిన్ని వివరాలతో కలుస్తాను.
మీకందరికీ ఆరోగ్యము,  సంతోషం, ప్రశాంతత & దివ్యానందం  చేకూరాలని ఆశిస్తూ.
డాక్టర్ ఆర్. యస్. ఈశ్వర్ రెడ్డి